Европски стандарди во Гостивар: Иницијатива со три стратешки столбови за економски развој и спречување на одливот на младите
Гостивар, 4 септември 2026 година – Во рамките на својата официјална работна посета на Општина Гостивар, претседателот на Централниот совет на Македонците во Германија (Zentralrat der Makedonen in Deutschland e.V.), господин Роберт Кленкоски, оствари визионерски и директен дијалог со уважениот градоначалник, господин Валбон Лимани. Средбата помина во исклучително срдечна и конструктивна атмосфера, каде градоначалникот господин Лимани се покажа како вистински пример за модерен, отворен и силно посветен лидер кој има јасна визија за напредокот на својот град. За време на исцрпниот разговор, тој детално го информираше претседателот господин Кленкоски за моменталната социо-економски состојби во Гостивар, тековните предизвици со кои се соочува локалното население, како и за огромните развојни потенцијали на овој регион.
Поттикнат од оваа плодна анализа и заедничката желба за создавање нова иднина, господин Кленкоски ја дефинираше улогата на дијаспората како долгорочен партнер и понуди соработка базирана на три клучни стратешки столбови:
- 1. Ефикасност во локалните индустриски зони (Германски капитал):
Потврда за подготвеноста за таргетирано информирање на моќните бизнис-мрежи во Германија за потенцијалот на Гостивар. Истакнато е дека финалниот успех и привлекувањето на германски инвестиции во локалните деловни зони зависат изворно од капацитетот на општинските служби за брзо издавање на градежни дозволи и олеснување на комуналните давачки за инвеститорите, без бирократски сопнувања. - 2. Самофинансирачка Канцеларија за дијаспора (Ирско-португалски модел):
Формално е побарано воспоставување на специјализирана Канцеларија за дијаспора (One-Stop-Shop). Ова тело ќе функционира како апсолутно самофинансирачко тело преку воведување на соодветна услужна такса (service fee) за брзи услуги, што значи дека проектот нема да ја чини Општината ниту денар од буџетот. Собраните средства директно ќе овозможат отворање на нови, одлично платени работни места за млади и образовани луѓе во Гостивар, кои на едно место ќе ги завршуваат сите административни обврски на иселениците (даноци, имотни листови, изводи, пасоши), растоварувајќи ги редовните шалтери за локалното население. - 3. Меѓународни градски партнерства и ЕУ-фондови:
Третата иницијатива се однесува на директно институционално збратимување помеѓу Општина Гостивар и соодветна економски влијателна општина во СР Германија. Во овој капитален проект, Централниот совет ќе дејствува како главен меѓународен медијатор, што ќе овозможи долгорочен трансфер на технологија, знаење (Know-how) и директен пристап до европските развојни фондови.
Како клучен резултат на овие лидерски преговори, состанокот заврши со огромен стратешки успех што најавува видливи резултати. Градоначалникот господин Валбон Лимани упати официјално и цврсто ветување дека целосно ќе ги поддржи и имплементира сите три столбови кои спаѓаат во неговата директна моќ како прв човек на локалната самоуправа. Воедно, тој му даде усно уверување на Централниот совет за максимална поддршка во иднина, нагласувајќи дека соработката ќе се води преку директни и брзи канали на комуникација за експресно одлучување на терен. Двајцата лидери се усогласија дека само преку ваков синергетски пристап и силно заедничко дејствување, успесите и капиталните проекти брзо ќе станат реалност на терен.
„Како Централен совет, ние не нудиме ад-хок решенија, туку воведуваме одржлива системска инфраструктура. Преку ефикасно активирање на индустриските зони, лансирање на самофинансирачкиот ЕУ-модел на услуги и воспоставување директни германско-македонски градски партнерства, ние создаваме реални предуслови за економски развој. Клучниот фокус е да ја мотивираме дијаспората да инвестира во татковината, а на младите да им обезбедиме сигурна професионална кариера дома. Со усното уверување и поддршка од градоначалникот Лимани, локалната власт во Гостивар ја презема одговорноста за реализација на терен“, изјави претседателот господин Роберт Кленкоски по средбата.
Градоначалникот господин Валбон Лимани изрази воодушевување од трите прецизни предлози, прифаќајќи го фактот дека брзата администрација е единствениот клуч за вистински економски напредок што ќе ги задржи младите. Тој ја потврди целосната подготвеност на Општина Гостивар за итна имплементација на овие три столбови, потенцирајќи дека заедничката соработка со Централниот совет е гаранција за идните големи успеси.
Контакт за медиуми:
Централен Совет на Македонците во Германија e.V./ Zentralrat der Makedonen in Deutschland e.V.
Mühlenstr. 8a, D-14167 Berlin
Тел.: (+49) 030/6098296-0
Е-пошта: info@zentralratdermakedonen.de
Интернет: www.zentralratdermakedonen.de