Средба на претседателката Гордана Сиљановска Давкова со македонската дијаспора во Германија
На 10 јуни 2024 година се одржа значајна средба во Македонската амбасада во Берлин, на која претседателката на Република Македонија, Гордана Сиљановска Давкова, ги прими претставниците на македонската дијаспора во Германија. Овој настан беше дел од нејзината официјална посета на Германија и одбележа важен момент на културно-историско вреднување.
Покрај претседателката присуствуваа и претставници од различни македонски здруженија и организации, меѓу кои и Централниот совет на Македонците во Германија. Присуствуваа претседателот на Централниот совет Роберт Кленкоски, заменик претседателот Горан Николоски и членот на Управниот одбор за финансии Роберт Пирковски. Присутен беше и претседателот на Македонскиот клуб Илинден од Хановер-Лацен, Живко Лазаров, како претставник на асоцијација членка на Централниот совет.
Еден од врвовите на средбата беше доделувањето на посебна книга на претседателката Сиљановска Давкова. Книгата со насловот „Создавањето на независна Република Македонија“ е превод од македонскиот на германскиот јазик, финансиран од Централниот совет на Македонците во Германија. Таа се распространува бесплатно до библиотеките и факултетите ширум Германија, со цел да се обезбедат директни извори за македонската историја на идните генерации.
Авторите на ова значајно дело, д-р Дејан Маролов и Оливер Митев, ја истакнуваат релевантноста на балансираната претстава на македонската историја во германските образовни институции и за германската јавност. Целта е да се пренесе македонската перспектива со факти од директни извори, за да се добие целосна слика на историјата.
Во знак на благодарност, Централниот совет и врачи на претседателката еден примерок од оваа историска книга. Претседателката ја пофали оваа иницијатива како значаен чекор кон унапредување на културниот дијалог и продлабочување на билатералните односи помеѓу Македонија и Германија.
Средбата заврши со перспектива за зголемена соработка помеѓу македонската дијаспора од Германија и Македонија, како и со посветеност кон културно-историски проекти што ги поврзуваат дијаспората со Македонија.
