На 14 ноември 2023 година, во Дизелдорф, Македонскиот културен центар “Македонско сонце” беше основан од група ентузијасти кои имаа цел да ја промовираат и негуваат македонската култура и традиција во Германија. Основањето на центарот имаше за цел да го засили чувството на заедничка идентичност и национално единство на Македонците во регионот.
Центарот си постави за цел да ги обедини Македонците од сите возрасти во околината, независно дали се преселиле од својата родна земја или се родени во Германија. Овие луѓе ја носат Македонија во срцето и душата и сакаат да го одржат контактот преку грижата за македонската култура и традиција.
Активностите на центарот се одвиваат на адресата Marienstraße 4, 40880 Ratingen, во близина на поранешната црква каде што се оддржуваа богослужбите. Работното време може да варира во зависност од достапноста на просториите.
Со почит и посветеност, Македонскиот културен центар “Македонско сонце” беше основан за да допринесе за промоција и зачувување на македонската култура во Германија.
Управниот одбор на Централниот совет на Македонците во Германија изразува најискрени честитки и им благодари на сите вклучени за нивната ангажираност при основањето на Македонскиот културен центар “Македонско сонце” во Дизелдорф. Повеќе информации за центарот може да најдете на https://makedonsko-sonce.de/. Нека овој центар биде место на средба, размена и просперитет на македонската култура, кој ќе ги инспирира и обединува многумина.