Претседателот Роберт Кленкоски и заменик претседателот Горан Николоски преку платфомата Zoom оствариja средба со Даниел Илиев, градоначалник на град Херинген во покраина Хесе.
Г-д Илиев поздрави иницијативата на Централниот совет на Македонците за воспоставување контакт и за размислување на можностите за соработка.
Претседателот Кленкоски го запозна г-дин Илиев co Централниот совет и ги образложи неговите цели и проекти. Г-дин Илиев ги презентираше проектите во Херинген. Други теми на разговор беа општата состојба на македонската заедница во Сојузна Република Германија, актуелните cлучувања во однос на процесот на пристапување на Македонија во ЕУ и придружните француско-германски напори за укинување на блокадатa на Бугарија што наиде на неразбирање кај другите земји членки на Европската Унија.
Oд 1 јули Илиев го започнува својот втор шестгодишен мандат како градоначалник на германскиот град Херинген. На 25.05.2022 Илиев положил заклетва за втор мандат, откако на 6 март освои 85.4% од гласовите.
Илиев ги оквалификува проектите кои се започнати во изминатите шест години како успех oд сите граѓани на овој град и заедничкo е создадена политичка култура која се карактеризира со меѓусебно почитување.
„Партиската припадност е ирелевантна во локалната политика. Како градоначалник, јас сум тука за сите луѓе за кои сакам да го постигнам најдоброто“, додава Илиев.
Му благодариме на г-д Илиев за средбата и му посакуваме нему и на граѓаните многу натамошни успеси и сé најдобро.
За Даниел Илиев
Роден во Бад Херсфелд во 1984 година и израснал во Херинген. Неговите родители потекнуваат од Радовиш, град во југоисточниот дел на Република Македонија. По матурирање на училиштето Вератал, студирал политички науки, jугославистика, економска и социјална историја и економија на Универзитетот Фридрих Шилер во Јена и политички науки на Универзитетот Пантеон во Атина. Потоа работеше како спикер за парламентарната група на Социјалдемократската партија на Германија (СПД) во покраинскиот парламент на Тирингија. Во март 2016 година, Илиев го победи контра-кандидатот Ханс Рис во вториот круг на избори за градоначалник. 38-годишниот Илиев живее со својата партнерка во Херинген. Илиев cе ангажира како претседател на локалното здружение АВО во Херинген, втор претседател на училишното здружение Вератал, заменик-претседател на окружна пратеничка група на СПД и втор благајник во Ајнтрахт Херинген, каде што е исто така активен куглар и освен тоа активен фудбалер за постарите господа на СГ Вератал.